Urra per grate!

Grate shqiptare ne fakt nuk jane pa te drejta, prandaj kane te drejte te festojne 8 marsin, me dinamizem dhe madheshti.

Sot kur kalendari shenon 8 mars 2016, ata jane te gjitha gati per te festuar. Madje gatitja ka nisur qe mbreme. Shume prej tyre kane rene te flene edhe me vone se zakonisht, pertej ores 1 te nates, sepse dreka duhej lene gati per sot ne frigorifer per burrin dhe femijet kur grate te shkojne per te festuar me njera me tjetren. Rrobat e familjareve duhet te ishin te lara e te ndritura gati per tu veshur, kur te vinte mengjesi, prandaj ato u bene gati gjithashtu gati mbreme vone, sepse sot do festohej.  

Parukierja e lagjes sime, ka hapur dyqanin qe ne 5 e gjysem te mengjesit, pasi shume prej grave te lagjes, ne ora 8 te mengjesit duhet te ishin gati per takimin me njera tjetren, per kafen e pare, te dyte, e te peste te kesaj dite. Per dreken ne qender apo periferi, apo per festat me striptiste meshkuj ne oret e mbremjes qe behen tek Blloku.

Sa ka punuar e gjora sot, e sa do te vazhdoje deri ne mbremje, sigurisht duke lene edhe pak kohe per krehjen e flokeve te veta, ashtu e vdekur nga lodhja e punes, kur me shoqet e saj do shkoje edhe ajo te festoje 8 marsin e saj dhe te grave te tjera.

Keshtu, sot me 8 mars 2016, ne bilancin e tyre ditor, grate kane lare nga 2 lavatrice me pak rroba, nuk kane gatuar fare, por fare-fare per burrat, (ajo e mbremshmja nuk quhet), enet qe do gjejne te palara ne darke nuk do i lajne fare, por fare-fare ama, do i lajne neser kur te mos jete me 8 marsi. Po keshtu sot nuk do merren fare me hekurosjen, te gjitha rrobat ne dollap, (por te palosura nje cike), qe t’i kene gati per ti hekurosur neser. Gjithashtu asnje Pazar per sot. Jo sallate, e patate, qepe e domate. Fare. Jane blere qe dje, e nese nuk ka me, do i blejne prap neser. Se sot eshte 8 marsi, dita e barazise, lirise, emancipimit social, ne shoqerine tone ngjyre grit e te dale boje.

Ejani gra te festojme sot, te hani e te pini, te harroni se nuk ka pune, e kur ka, harrojeni se  punoni me orare te zgjatura e pa dite pushimi,  te papaguara mire, te shfrytezuara nga punedhenesi dhe burremarresi.

Shrytezoni ofertat turistike te agjensive per shetitje dhe festa ne turme, ku te kendoni e kerceni valle njera me tjetren, e fotot e festes pastaj te pushtojne facebook-un.

Ejani te harroni stresin e jetes, hallet e femijeve, dajakun e burrave dhe fyerjen e tyre. Qeshni, lyeni buzet me te kuq te forte qe te dukeni me epshndjellese dhe rrezellitese.