Keku bio i Rudina Magjistarit dhe personazhe te tjere ne kuzhine

Nese koha e sotme, mund te emertohet si epoka e internetit, nje tjeter epoke, ajo e gatimit dhe e shijes, eshte rindezur ne rrjetet sociale. Nese programet televizive jane mbushur qe nga mengjesi deri ne darke me programe ku nxehen furrat dhe valojne texheret, apo rrjetet sociale me faqe apo site qe i kushtohen teresisht gatimit, vipat shqiptare po ndihen gjithnje e me te joshur nga aroma e kuzhines. Mund te kete qene nje pason i kahershem, apo i zbuluar se fundi, kjo pak rendesi ka. Ajo qe bie ne sy eshte tendenca e tyre per t’i perveshur menget e gatuar vete ne shtepite e tyre si dhe per ta ndare kete pjese pervoje, me te tjeret.

“Keku bio” i Rudina Magjistarit, i postuar dje pasdite ne faqen e saj zyrtare te FB, i ka mahnitur fanset e shumte te prezantueses qe i kane shprehur Rudines gjithe dashamiresine e tyre, “per duart e saj te arta” dhe per me teper duke i kerkuar edhe receten. Magjistari prej nje viti eshte shkeputur nga ekrani, pasi solli ne jete vajzen e saj Mia.

Byreku i Arbanes apo i nenes se saj? Nga fotoja qe poston ne faqen e saj ne diten e 8 marsit ku shfaqet prezantuesja Arbana Osmani dhe nena e saj, prane nje tryeze ku po behet nje byrek, nuk kuptohet mire nese gatimi po behet nga vajza apo e ema. Gjithesesi duhet permendur se Arbana prej kohesh ka shfaqur dashuri per gatimin. Ajo ka publikuar edhe nje liber me receta si dhe ka treguar shpesh here aftesite e saj ne ekran.   

Edhe gazetarja Iva Tico, e ka nje lidhje me gatimin. Mbase jo aq intensive sa zonjat me lart, por te pavarur nga vaktet apo prezenca e te tjereve ne familje. Pasi ajo eshte nje vajze single dhe sikunder thote vete tek blogu i saj, kjo gje ka edhe te mirat e veta. Megjithate permes blogut kuptojme se ajo kur do eshte nje amvise e mire. Ne faqen e saj te FB se fundmi ajo nuk ka preferuar te tregoje ndonje recete apo foto te ndonje gatimi, por ka publikuar kopertinen e nje libri guzhine.

Kantautori Gjergj Leka, eshte sigurisht me i “guximshmi”i  personazheve shqiptare sa i takon gatimit. Sepse ai ka tejkaluar sproven e nje pjate apo te nje recete. Gjergj Leka sfidon me nje program te tere televiziv ne Televionin Shqiptar, me titull “Sot ofroj une”. Ne kete program Gjergji vesh perparesen, pervesh menget dhe u shpjegon zonjave ne shtepi se sa kokrra patate duhen dhe si duhet te ndajne qepen. Recetat e tij kane marre mjaft nga guzhina italiane, vend ku Gjergji ka jetuar prej vitesh duke marre edhe deshiren per te provuar shijen mesdhetare. Te gjitha recetat e tij mund t’i gjeni ne Youtube, te cilat vete Gjergji i ndan me miqte e tij te FB.

Desada Metaj, gazetarja qe cdo nate e gjejne pas kuintave te emisionit “Opinion”, pasi prej vitesh eshte kryeredaktore e ketij programi, ka nje dashuri te pafund per ushqimin. Gazetarja qe cdo nate pret e percjell politikanet shqiptare, nuk i ka shpetuar tundimit qe ne faqen e saj te FB, si foto te profilit te vendose nje fotografi ku ajo pozon bashke me nje pjate biskota.

Deputetja e kuvendit te shqiperise Mesila Doda, duket se e do gatimin po aq sa edhe bashkeshorti i saj, gazetari Enkel Demi. Dhe te njejtin pasion e dashuri po ia kalojne edhe vajzes se tyre Hana. Krahas fotografive te tjera qe prezantojne jeten e saj si politikane, nje foto mjaft interesante eshte fotoja ku ne ambientet e shtepise, te tre perpiqen te gatuajne nje recete, ku rolin kryesor e luan Hana.