Cilet jemi vertet ne??

 

Do me pelqente qe kete te shtune te publikonim nje material te bute, te pershtatshem per ditet e pushimit, por fotoja e bebes siriane te sapolindur ne nje kamp te Greqise, me beri te harroj embelsine e fundjaves. Nje foto realizuar nga fotografi Iker Pastor e cila po ben xhiron e lajmeve te botes. Nje grua qe lan foshnjen perjashta, ne kete mars te ftohte. Nje burre qe I hedh uje me nje shishe plastike. Ndodh ne Idomeni te Greqise, pak kilometra larg nga kufiri me Maqedonine, qe sipas njoftimeve tashme eshte mbyllur, duke mbajtur refugjatet te mbyllur si ne qark. Nderkohe nje numer I konsiderushem refugjatesh jane vendosur ne Konitze, pak kilometra larg kufirit me Shqiperine. Nje gje eshte e sigurte. Kur portat po u mbyllen nje e nga nje, ne pak dite refugjatet siriane do i kemi mes nesh.

Por sa te ndjeshem jemi ne ndaj kesaj krize e cila edhe pse eshte joevropiane, prapseprap eshte njerezore? Sa humane apo te frikesuar, ndihemi ne shqiptaret per ti ndihmuar keta njerez te pashprese qe kane humbur cdo gje ne vendin e tyre, qe i kane ikur luftes e tani u duhet te perballojne te ftohtin, urine dhe semundjet?

Cili do te jete fati i kesaj bebeje te lindur ne kamp dhe nese ka fat te mbijetoje, cila do te jete historia qe ai do tu tregoje femijeve te tij?

Ka ardhur koha  qe ne shqiptaret te njohim veten. Cilet jemi vertet ne? Jemi njerezit e beses, humanet, mikrpitesit dhe antiracistet, apo jemi komplet te kundertit e tyre. Varferia nuk eshte gjithmone mjet per tu justifikuar. Humanizem eshte te  ndash dicka me dike qe eshte me ne hall se ti. Dhe me hall se lufta, nuk besoj se ka.